1945, Fontanny Dom. La mesina, trés sielles y, sobre la estufa, un dibuxu d'ella deitada que-y ficiera Modigliani. Naquel cuartu conoz una mínima llibertá cabo Isaiah. Yá tenía cincuenta años, él dieciséis menos. Ella sentárase nun requexu. Él n'otru. Ella falaba y desiguida él retrucaba. Amáronse tola nueche ensin tocase, ella llexendaria, él inespertu. Por esa nueche'l Partíu Comunista de la Unión Soviética llamaríala "puta y monxa", y sapozaría-y la vida. En 1965 volvió a Inglaterra. Él taba casáu; ella, sola y vieya. Morrería al poco. Pero na so tumba de Komarovo inda sigue amando, col rixu d'unos versos: Cuando sientas el truenu recordarásme y quiciás pienses qu'amaba la tormenta.
0 comentarios:
Publicar un comentario en la entrada