orbayando

Paseo cabo do río Trubia

2011-06-02T12:10:00.000+02:00

A xeito ando na compaña do río polo mesmo carreiro que atopara de neno. A sombra das árbores vérquese oblicua. A lúa esvara por entre as xunqueiras, a alumar a pedra silente e a agua que discorre. Nomes que xacuando pronunciei volven outra volta con acento descoñecido, e as imaxes xa imprecisas do que vira nos años, crúzanse por diante do meu paso, como as follas orfas que rodan para o terrén, camín dos artos ou dalgunha poza inclemente.

Canso, boto a andar cara ese brillo apegado a unha corrada achegada, mentres unhas nubres atristalladas van, a modo, enchendo o carreiro.

Variación sobre la pequeña muerte

2011-06-01T09:44:00.002+02:00

Tovía nun comprendíemos
los códigos del vientu
naquel veranu
onde too se retardaba
ansí nel cuerpu como nel agua.
Desnudos y inocentes
¿cómo podríemos morrer?
preguntábemos ensin palabres.
Y por embargu
l'orgasmu primeru y abrasáu
foi, tanxible l'adolescente mieu,
una pequeña muerte.

L'autobús

2011-02-19T23:00:00.001+01:00

En cuantes entró nel autobús, el marmullu de concentración humano solliviólu. Un ensame de xestos y palabres recibíalu mientres pensaba nel rostru mustiu de María, que poco antes viera, tan estremáu del que foi avenida de sorrises naquelles semeyes onde xelaben los recuerdos más queríos. De sópitu, miró pa la marcha intermitente de la cai y descubrió, na ventaniella, a esi cristal a manera d'espeyu puercu y marcáu pol usu indolente, onde'l sol de la tarde-y devolvía una imaxe coles canes del sobreviviente. La piel engurriao diba cruel enseñando'l so gastáu xestu. Y entós decatóse de que, yá col estigma d'aquel otru tiempu, la soledá yera la so forma de vida.

La pasión y l'aventura

2009-11-01T14:25:00.003+01:00

La pasión ye esta aventura.

Navegar per océanu desconocíu
baxo astros de ceguñu ardiente.

Mientres circule la sangre
como un bálsamu peles venes.

Viaxar dende los güeyos al pie
hora tres hora pela amada.

L'aventura ye esta pasión

El reflejo

2009-08-17T10:21:00.002+02:00

Era apenas un instante
entre la hermandad de las olas
en tu múltiple mar
donde tú eras sola voz que sonaba
y yo un reflejo único hecho de agua.

Nos güeyos de la curuxa...

2009-08-07T11:12:00.006+02:00

Nos güeyos de la curuxa, la lluna.

Nel agua del fontán, el remolín

de les estrelles. Y nes tos mamielles,

d'arumosu llimón y nacarines,

aire caldo que lloco te besaba.

Río Trubia

2009-07-12T12:35:00.004+02:00

Déixame na túa xeografía
de contacto co ar sen tempo;
déixame como cando cativo soñar espido,
imaxinar as túas afluencias elementales.
Trubia de augas de aceiros,
déixame remexer na fresca corrente
o pensamento que volta para os inicios,
para o teu camiño como río pai dos pais.
Os teus milenios de sedimentos,
a túa arteria verde nas beiras,
veñen da mesma chovisna de onde proveño;
dun vello esconxuro de pedra,
dunha pregada maternidade de caliza,
da cárstica morfoloxía do silenzo.

Nomes del odiu

2009-07-07T18:07:00.001+02:00

En cada esquina de la tierra llancaron un símbolu. Nun hebo llugar ensin dioses o reinos. Pasu ente pasu, los homes lloaron les muries, enferronaron banderes y cazaron a los homes.

L'odiu de la clase, de la raza, del grupu, de la moral, escuéndese nes llinies de piedra de milenta molimentos que los homes allevantaron -pa olvidar depués los sos nomes.

Solombra

2009-07-07T18:00:00.001+02:00

La perseverante solombra del home fixéronla colos basaltos del duelgu; compañera del lloru lentísimu del pensamientu; hermana nuna muerte siempres triunfadora.

Monstruosa solombra: el sal de la tristura

Llocura

2009-07-07T10:36:00.003+02:00

Llocura: l'enfotu más gloriosu y el más solu de los desiertos.

Presentimientu

2009-07-07T10:25:00.001+02:00

Qué facil ye delles veces moldiate cola arcilla de los suaños, presentir el to senieldu, y apigazar d'esa nos requexos de la memoria que se fain habitables cola escurada.

L.lindes

2009-07-06T10:31:00.002+02:00

L.lindes; onde los cumbriales falen de la ñeve. De tan nuevos, dos neños remedu d'amantes, preguntábense sobre la muerte ante la culminacion de les lechares, innumberables esa tarde.

De noite

2009-06-19T17:07:00.001+02:00

Esta noite o meu tempo é unha apagada
borralla da vida. Compañeiro da señardade
sei que todos os posíbeis versos
son resume meu.

Toos amamos un fechu qu'asocedió una vez

2009-06-12T00:26:00.001+02:00

Toos amamos un fechu qu'asocedió una vez,
un fechu que recordamos que fuera y que yá nun ye,
aquel que suañamos distintu en cada suañu.
Amamos lo que quiciás solo esistió ensin esistencia,
eso que nenyuri llegó a ser, imposible la so perda.

Loida

2009-05-19T00:25:00.000+02:00

Ellí tuvo, piedra golpiando a la piedra, vientu contra'l vientu, siendo'l so propiu tiempu nel tiempu. Ellí, nun llugar onde'l silenciu amiyaba d'un ensame voces. Onde les buelgues de vieyos destinos dáben-y, fueya a fueya, lloreos de triunfu a los testimonios humanos. Ellí, en momentu cuando los años amuesen el so trescursu en nomes que son unu y múltiple. Ellí, sobre l'areniega marca, amatagada l'alma na cuenya les duldes, Loida camuda la so siella ruedes n'heraldu de los suaños, naciendo nun minutu últimu pa Olimpia, enorme sobre la tierra.

Da nosa viaxe

2009-05-07T10:10:00.000+02:00

Da que abras a máis afastada porta
e na media luz nada aches,
xusto daquela, poderíamos usar a letra
máis perceptíbel nas tan lidas páxinas
da nosa viaxe, esa que no agochado
dunhas valiñas sen lembranza
esgota o viño agro do desamor

Aquel sitiu

2009-04-23T23:56:00.001+02:00

Sentía d'otra miente. Agora, la vida pasába-y mui llueñe de cualisquier midida de tiempu. Ellí, sentada nun vieyu pasal, remembraba aquel sitiu, llantáu dientro los mataos cromatismos del suañu. Les hores cálides d'agostu. Xente aconceyao a la puerta casa. Hai un cantar monótonu de grillos. L'aire malpenes raspia les cotes fresques del fayéu. De los púrpures cumbriales del Aramu amiyen milenta soníos. Xunta l'estrafullu d'una trucha, espeyándose muerre en ríu'l baltu últimu del sol. Atapez. Más p'hacia arriba, camín del campuxal, hai rises intermitentes. Y fálase, como callandino, mecío col marmullu cuasimente apalpable del augua.Una pareya ta de revolada. Inda neños. Trenta años enantes otros neños besábense na media lluz de l'antoxana. Ella con Alberto, l'únicu, arriendes el so contactu, qu'ente les piernes l'acariciare. El que primero penetró nella. Lo que más fito tenía nel recuerdu yera l'aliendu d'él, fechu rítmica bris asollándo-y la encesa cara. Amóla despacino, masque se-yos entainare'l sangre y sensaciones nueves lliberaren una calor como de les criatures del monte. La mano ayena na so vulva, emprimando con una lenta esfrega cabu la nacencia del clítoris, perconocíala cada vegada que se tocaba.
Alberto morrió la selmana pasada nun accidente de circulación. Casara cuantayá y tuviere dos fíos. Y por embargu, de ralo en ralo, presentábase na maxinación, como si nun se despidiere esi mesmu branu cuando entrambos descubríen el sexu. Dixérense adiós ensin saber lo muncho indeleble de ciertos pasaxes de la vida.
Van escureciéndose los perfiles de la tarde mientres nun ye pa saber si-y duel la so muerte; pero, al deslláu, alviértese íntimamente moyada.

Anna Ajmátova sigue amando a Isaiah Berlin en Komarovo

2009-04-19T23:38:00.000+02:00

1945, Fontanny Dom. La mesina, trés sielles y, sobre la estufa, un dibuxu d'ella deitada que-y ficiera Modigliani. Naquel cuartu conoz una mínima llibertá cabo Isaiah. Yá tenía cincuenta años, él dieciséis menos. Ella sentárase nun requexu. Él n'otru. Ella falaba y desiguida él retrucaba. Amáronse tola nueche ensin tocase, ella llexendaria, él inespertu. Por esa nueche'l Partíu Comunista de la Unión Soviética llamaríala "puta y monxa", y sapozaría-y la vida. En 1965 volvió a Inglaterra. Él taba casáu; ella, sola y vieya. Morrería al poco. Pero na so tumba de Komarovo inda sigue amando, col rixu d'unos versos: Cuando sientas el truenu recordarásme y quiciás pienses qu'amaba la tormenta.

Raíz del pensamientu ye'l corazón

2009-04-16T17:54:00.001+02:00

Raíz del pensamientu ye'l corazón,

y el corazón ye llatíu, y nél

el recuerdu y la sombra del so ritmu

perfaen heredá de la nuestra historia.

Nel llatíu humanu guárdense amodo

el vértigu los años, la firida,

el poniente desgarráu que sabe

fundise baxo la piel del silenciu,

la corriente inconstante del deséu,

la llercia, los frutos del suañu, el gozu

de ser y les seduciones del vientu.

Abenayá, y en cualesquier llugar,

podemos conocer el so rumor,

siempre fráxil, desnudu, inevitable,

dientro del cuerpu, y tan lloñe del tiempu,

del nacer a la muerte inesorable.

Somos los fíos remotos del agua

y por ello sentimos nel llatíu

-qu'apruz en primóxenu manaderu-

les esperances, la palabra, l'íntimu

aliendu que nos alimenta, l'ecu

d'aquellos momentos yá inalcanzables.

El llatíu humanu ye como nós,

de barru, efímeru, indesarreyable;

pero tamién ye esi reló de sangre

qu'hores mide a un alma que perdura

impregnada de lluz y de memoria.

Dibuxu d'Helios Pandiella (1988)

2009-04-12T17:17:00.000+02:00

Retratu que fizo, en 1988, el pintor y diseñador gráficu Helios Pandiella, pal interior del mio primer poemariu, Augua d'invocación.

La robleda

2009-04-06T22:04:00.000+02:00

Del roble se lamentan, como enfermas, las hojas.
Silente palabra nuestra, abatida y sin ecos.

Publicáu en Mieres Mío (2008)

Entrega del 'Premiu de poesía n'asturianu de CCOO' 1987 (Pueblu d'Asturies)

2009-04-05T15:25:00.001+02:00

'Encuentros poéticos' abril 2007

2009-04-04T17:24:00.000+02:00

Chanuces

2009-03-27T23:25:00.002+01:00

Vienen los recuerdos como enigu fíu de la primavera,rápidos y cola compaña de xeitos duros,
imprecisos y errantes. Vienen cola l.luriga
conocida polas caras familiares que la muerte
cuantayá tien esgarniao. Vienen nel azul de l'atapecida
al empar que la soledá. Los momentos cuando l'herbizu
yera l'arrecendor de la tierra. El silenciu
baxando p'hacia la vallina ensin tener conseguío imponese,
de la mano d'una borrina mínima prendida nos güechos.
La tía güela que decían sanadora; sentada
ente l'estel.leiru y los pasales últimos de la vida.
Ver aquella l.liria cuasi invisible.
Vienen los recuerdos cuando l'home podría abelugalos,
por aciu d'una inaguardada equivocación, nel estoyu
de los pensamientos; y dalguna vez vienen, violentos,
a llugares onde l'aire esborra horas nel reló de la esistencia.

Tarde en nada

2009-03-25T12:44:00.001+01:00

La tarde yera una circunstancial prollongación ensin versos. Nun abocanaba. El fluxu de los aéreos crótalos verificaba los grises purísimos del cielu.

Non. La tierra llento non siempres yera un don de presaxu esmeralda.

Llegaré col cansanciu de los díes de lloviu

2009-03-24T23:47:00.001+01:00

Llegaré col cansanciu de los díes de lloviu,
col fríu de les nueches d'iviernu na mirada,
vencíu polos caminos valeros,
aperriyáu d'escuridá, de silenciu,
tres interminables paseos pela desolación.
Seguramente abriré la puerta,
en malapenes un momentu, con ropa de mal día,
aterecíu y cola dulda entellazada sobre les manos,
con esa tristura que train los años
de la que marchen nel corazón.
Quiciás cuando piense solo en ti
regrese asegurando que nada nun paga la pena.
Pero tu seguirás aguardando, enllena d'esiliu,
como la tarde primera, no más perenne de la memoria.

Delles veces la vida

2009-03-23T22:11:00.001+01:00

Semeya: Antonio Domingo

Una estrofa de versos defectuosos,

botella vacia, frases que nun salen

de la boca, esos besos qu'un res valen

pa los nuestros silencios arguyosos.

Poques coses, yá ensin utilidá:

la melodía escasa, solamente

unes güelgues, un pequeñu accidente,

miseries de doméstica verdá.

Delles veces la vida ye un impulsu

vistíu d'olvidu, que nos afuega

nun llamuergu indefiníu y convulsu.

Delles veces la vida mira, ñega,

y poco a poco'l valor nos agota,

y queda aburrida, callada, rota.

That strange proud nation

2009-03-23T18:40:00.000+01:00

That strange proud nation
Occupied by assassin bodies
Of sharp solitude and paths
Rose-like open along the grass
Blind nation, in a goddess’ rites
Where blind pilgrims come,
Where sad destinies are born
And scores of years of generous defeat
Of love it was called nation. Hard
Unfaithful to hearts’ pain,
Rewriting the pages of History.
The one uprooting fragrance, heeded laughs
And passions from the purest word,
Then drink the nectar of recollections

Un puertu en nocherniegues costes

2009-03-23T01:48:00.001+01:00

Un puertu en nocherniegues costes sema'l mio afuegu,
calteníu por espíritus muscularmente llabradores,
qu'en raxones seles una xeografía amada desconsonen.
Esi to cuerpu; cálidu horizonte acubixando
la corteya del ámbitu namoráu,
que toa enducía y tou descansu destierra,
prisioneru d'un malditu enxema, llamarguizu y gratible,
tremáu d'ecos cuando nun frayáu rixu profano,
ensin ablayu, el to desapegu d'altiva sacerdotisa,
ellaborando con duelgu collaciu de llabios
la impotencia d'un puru xardín,
permanentemente amburáu nuna delicia culpable.

Santana

2009-03-23T01:27:00.000+01:00

Les llumisaes del meudía atrovaben el paisaxe. Primero, la carretera amatagada tres les cases desgorrotaes, y un salgar al enfotu d'enraigonar nel vientu. Cabu la puente, un gallaríu de guajes.
Hebo un arume de llar que pingaba monotonía de sieglos y piedra mientres venía, posadamente, l'apiancar cansu del cura de Soto, y l'estrafullu del tren de vía estrecha. El gatu tuertu, sollerte, chapiaba nel pielgu onde'l caballu'l diablu xuega a les escondidielles cola trucha, la solombra allegre del ríu.

Madre de canes fríes

2009-03-22T02:49:00.000+01:00

Llectura del poema "Madre de canes fríes", que forma parte del llibru Decenariu. Emitío nel programa ContreSentidos, n'abril de 2007, pela TPA.

Cine Royalty

2009-03-22T02:42:00.001+01:00

Nel abellu la escuridá les imáxenes semaben un cronometráu silenciu. Xurdía la calor del trópicu, anque na caye l'inviernu barbuzaba. Per aciu de fotogrames mazuñaos dalguién construyía milenta ficciones. La lluz yá sumía minutos infantiles nos enfallos d'un Tarzán faedor de biecos en blanco y negro.

Here we’ll remain

2009-03-22T02:32:00.000+01:00

Here we’ll remain
waiting on the path
Expecting the arrival of nothing.
We’d better not meet anyone,
Staring calmly into the smoke,
The riversides of sleeping waters
The heavy gate
Faded through time and abandon
Here we’ll remain
Seizing time in our hands
Clasping it in an ephemeral case
So that the evening doesn’t blow it away
And the wine warms the sanctuary of dreams.
Until the moment in which thoughts,
Lying on the stone of oblivion,
Can no longer utter
The hidden syllables of our names:
At sunset in the frost,
Along the dark labyrinth of unease

Remiro l'agostu estensu

2009-03-22T02:13:00.000+01:00

Remiro l'agostu estensu;
una bulismada de fales saliendo de la casería,
ábrigu imprevistu, chicharres,
andolines, arumes, solombres atopadices,
nenos durmiendo coles manos en pechu
y suañando con milenta xuegos.
Remiro praderíes ondulantes,
y árboles desgranando'l so cantar de caña y fueya
desmelotaos como seres rabiosos.
Remiro'l cuerpu de muyer que n'abertal s'ofrez al sol,
y les galeríes fresques de l'aldea inmediata,
les cames onde llasia l'amor vespertín
y nacen como seyellu los deseyos.
Remiro los prestosos díes d'estivu,
y tamién los recuerdos d'aquellos otros agostos
perdíos nel caxón onde'l so viaxar entrullen les semeyes.
Como si fuera unos famientos güeyos, desesperadamente abiertos,
toi remirando les güelgues lentes del tiempu.

Las Agüeras (versión en galego)

2009-03-17T22:15:00.000+01:00

O ábrigo ha vir, a modiño, / desde L.linares e de Rundeiros,
coa tristura das faias / e de acivro os alentos,
a esgazar outra volta nubes / e silenzos: que quere facer
mil espellos da lúa / que baña o seu crecente eterno.

El sonetu

2009-03-16T18:06:00.000+01:00

Nun sé por qué l'albura del sonetu
al misteriu de la sombra traviesa;
nin por qué'l so comienzu de cuarteru
en xuníos tercetos nun regresa.

Pero yo reconózo-y la palabra
sobre l'agua del so calce menudu,
ési que se vierte puru y desnudu
nel campizal onde l'idioma llabra.

Sutil avenida nun solu instante
ye'l sonetu; una vida soberana
nos nomes de la so rima triunfante.

Ye néutar pa la sede d'alma aldeana,
yá apinada d'ansiedá y implorante,
cuando afayo fonte pela que mana.